ازاي تحول الخسارة لمكسب ؟؟ :)

الكلمات الدلالية : الفشل ، النجاح ، المكسب ، الخسارة  ، الاستفادة ، الإيجابية

إزاي تحول الخسارة لمسكب ؟؟ الفشل لنجاح ؟؟

ببساطة .. فكّر برة الصندوق ..

طريقة تفكيرك ونظرتك للأمور .. ثقتك وثباتك .. هي الي بتحدد كل حاجة ..


حد ممكن يتخيل ان عالم زي اديسون يفشل ؟؟
الحقيقة هو مفشلش مرة واحدة لأ .. ده فشل 4000 مرة .. بس لإنه عالم .. مستسلمش ..

" توماس اديسون  قام بـ 4000  تجربه فاشلة حتي استطاع عمل المصباح الضوئي ... فلما سُئل ماذا استفدت بعد 4000 محاوله فاشله ..قال عرفت ان هناك 4000 طريقه لاتصلح لعمل مصباح "

يبقى اول عوامل التحول من خسارة للمسكب .. هو الاستفادة من الخطأ .. ادراكه .. وتصحيحه فيما بعد .. 

خلي تفكيرك دايما ايجابي .. واستمر في المحاولة .. تفائل .. وابتسم كمان J
اديسون آمن إن " لا يوجد فشل بل توجد طريقة غير سليمة يمكن التعديل فيها او تغييرها "
عشان كده نجح ..

وعشان تقدر تحافظ على معنوياتك مرتفعة وافكارك ايجابية .. متسمحش للافكار السلبية انها تسيطر عليك ..

قاومها  .. متسمعش للناس الي بتبثها فيك ..
" السفينة التي يحيط بها الماء من جميع الجوانب لكنه لا يسمح لأي منها بالدخول إلى عنابرها  "

وخليك واثق في نفسك .. آمن بقدراتك .. امكانياتك .. مهاراتك .. وقدرتك على النجاح ..

مش حتقابل طريق في حياتك خالي من المتاعب والمصاعب ..وجودهم مش معناه فشل ..
لكنهم بيزيدوا من خبرتك في الحياة .. و كفائتك بعد كده .. لما تعديها ..

بالصبر .. والإرادة والتصميم .. والتحفيز الذاتي ..

و عامل تاني مهم جدا .. " المرونة " .. 

إن أكثر الناس نجاحا هم الأكثر مرونة ففي المرونة قوة لا يدركها الكثيرون "  "

" الفشل مرة لا يعني نهاية الطريق ولذلك ينبغي إعادة المحاولة أو تغيير الطريقة "

 لو حاولت كذا مرة تعمل حاجة بطريقة معينة ومقدرتش .. متكررش المحاولة تاني بفنس الطريقة .. غير الطريقة .. او جزء منها .. او شيء في تفكيرك .. وبعدها حاول مرة تانية ..

عدّل .. استفيد .. ظبط .. وحاول ..

واخيرا ،،
بسط المهام الصعبة ..  وقسمها لمهام اصغر واسهل عليك .. وكافيء نفسك على كل مهمة منهم تتمها ..

واستعن بالله ولا تعجز ..

قسم : انطلاقة نحو الافق